KÜSMƏ MƏNDƏN

Kusmə məndən gozəl mələk, gozəli Allah yaradır,

Mənim kimi qullar üçün gozəlləri şah yaradır.

Məcnunları gecə-gündüz salır sonsuz səhralara,

Harda sevən Leyli varsa, orda bir dərgah yaradır!

Bircə gozəl yaradıbsa, bütün Cinə qurban olum,

Hansı dində olur-olsun, mən o dinə qurban olum,

Yaradanın eşq adlanan hikmətinə qurban olum,

Yeri-göyü sevmək üçün insanda tamah yaradır!

Bakı hara, Pekin hara, könlüm onu yada salır,

Günahkaram, günahlarım ruhuma qan-qada salır,

Qadir Allah sevənləri diri gözlü oda salır,

Yazıq bəndə sevə-sevə gundə bir günah yaradır!

VƏTƏN
Vətəndə qürbəti heç düşünmədim,
Qürbətə düşdüyüm an "Vətən!" - dedi.
Qəlbim an kimi elə sızladı,
Bağrımın başında şan "Vətən!", - dedi.

Allahı, vallahı söz olan dilim,
Yurdun hər sözünə göz olan dilim,
Ağrımın içində köz olan dilim,
Axşam harayladı, dan "Vətən!", - dedi.

Nədir bu sözdəki ilahi qüdrət?
Dizlərə taqətdi, qollara qüvvət.
Elə ki birləşdi həsrətlə qüdrət,
Ürək parçalandı, can "Vətən!", - dedi.