KÖNLÜM

Bax gozlərin şoləsinə,

Həyat versin şolə sənə.

Kim vurulmaz beləsinə?

Vurulmağa dəyər, könlüm!

****

Yaza donər, qışın olsa,

Belə tərlan quşun olsa,

Yolunda bir qoşun olsa,

Qırılmağa dəyər, könlüm!

****

Qurban elə baş da, can da,

Bu sevgini yaşat qanda,

Boz-bulanıq sel olsa da,

Durulmağa dəyər, könlüm!

***

Gözü bəsdi, bulaq gəzmə,

Könlü bəsdi, ocaq gəzmə,

Bu gozəldən uzaq gəzmə,

Yar olmağa dəyər, könlüm!

mənbə: zəlimxan yaqub - seçilmiş əsərləri